မိုးတွေလည်း မညိုတော့ဘူး
တိမ်တွေလည်း မပြိုတော့ဘူး
မနက်ခင်းတိုင်း
ရှစ်ခွင်တိုင်းက မှုန်မှိုင်းလို့
နှင်းမှုံ မြူရစ်
တစ်ဆောင်းသစ်ပြီ 'ကို '။
နှောင်းခေတ်က အတိုင်း
နှင်းမှုန်တွေကြားထဲ
ပြေးပြေးလွှားလွှား
'မေ' အလုပ်သွားနေရဆဲပါပဲ။
'မေ' တို့ ခေတ်က
ရေဒီယိုက လွှင့်နေကျ
'ဆောင်းအမီ' သီချင်းလည်း
လေထုထဲ ၀ဲနေသလို
စိတ်ထဲက ရည်မှတ်
မမီခဲ့ တဲ့ ဆောင်းတွေအတွက်
'မေ' ဆိုညည်းလျှက်ပါပဲ။
ဒီတစ်ဆောင်းလည်း
မမီပြန်ဘူးလား 'ကို'
လွမ်းနေတဲ့
'မေ' ကပဲပိုသလား
'ကို့' ဆိုစကားတွေ
ဒီတစ်မေ နားမှာ
ကြားချင်နေဆဲပါပဲ ။
ကဲပြောပါ 'ကို'
ဘယ်လိုလုပ်မလဲ
နှင်းတွေကတဖွဲဖွဲ
မပြတ်ပဲ ကျနေတာ ။
No comments:
Post a Comment