ကျွန်မလည်း လူပဲမို့

ကဲ ဘယ်လိုလုပ်မလဲ
မမေးတော့လည်း အတယ်
မေးတော့လည်း နတယ်

ပြန်မပြောတော့လည်း ထိုင်းတယ်
ပြန်ပြောတော့လည်း ရိုင်းတယ်

တက်ကြွတော့လည်း မုန်းတယ်
မတက်ကြွတော့လည်း တုံးတယ်

မြန်မြန်လုပ်တော့ ပျာတယ်
နှေးနှေးလုပ်တော့ ကြာတယ်

ဝိရောဓိတွေကြား
လျှောက်သွားရင်း
ကျွန်မအကြောင်း
သူများတွေကပြော
သူများတွေအကြောင်း
ကျွန်မက ပြော
ဒီလိုနဲ့ပဲ
တစ်ရက်တစ်ရက်
အတောမသတ်နိုင်ဘူး။

တစ်ခါ တစ်ခါ
သူများ ပါးစပ်မှာလမ်းဆုံး
ကျွန်မက ခပ်တုံးတုံးကြီး။

တစ်ခါ တစ်ခါ
ဘာမှ မမေးပဲထိုင်တော့
ဆရာကြီး စတိုင်ဆိုပဲ။

တစ်ခါ တစ်ခါ
ထမေး မိတော့
ဒါလေးတောင် မသိဘူးလား
သူများမေးပြီးသားတဲ့။

တစ်ခါ တစ်ခါ
တက်ကြွနေပြန်တော့
မျက်စိရှုပ်အောင်
အပိုတွေ လုပ်ဆောင်သတဲ့။

တစ်ခါ တစ်ခါ
ပြန်မပြောမိတော့
မလေးမစား
ကလေးကလားဆန်တယ်ဆိုပဲ။

တစ်ခါ တစ်ခါ
ပြန်ပြောမိတော့
နှုတ်သီးကောင်းလျှာပါး
နောင်ကြဉ်သွားအောင်
လုပ်ထားဦးမတဲ့။

တစ်ခါ တစ်ခါ
မြန်မြန်လုပ်တော့
ခဏလေးနဲ့
ချက်ချင်းပြီး
နင့်ဟာက
အညံ့စားကြီးဆိုပဲ။

တစ်ခါ တစ်ခါ
နှေးနှေးလုပ်တော့
ဒီလိုပုံနဲ့
မိုးချုပ်တော့မတဲ့။

ကဲ ဘယ်လိုလုပ်မလဲ
ကျွန်မလည်း လူပဲမို့
တစ်ခါ တစ်ခါ
သူများကိုကြည့်
မကောင်းပြောမိ တာပါပဲ။